കൊച്ചി: അങ്കമാലി ഫയര്‍ സ്റ്റേഷന് സമീപം പാളം മുറിച്ചു കടക്കുമ്പോൾ വിദ്യാര്‍ത്ഥിനി ട്രെയിന്‍ ഇടിച്ചു മരിച്ചു. പുളിയനം തേലപ്പിള്ളി വീട്ടില്‍ സാജന്റെ മകള്‍ അനു സാജന്‍ (20)ആണ് മരിച്ചത്. വെള്ളിയാഴ്ച രാവിലെ കൂട്ടുകാര്‍ക്കൊപ്പം റെയില്‍വേ പാളം മുറിച്ചു കടക്കുന്നതിനിടെ ട്രെയിന്‍ തട്ടുകയായിരുന്നു. റെയിൽവേ റിപ്പയർ ട്രെയിൻ ആണെന്നാണ് റിപ്പോർട്ട്.
കൂട്ടുകാരോടൊപ്പം കോളേജിലേക്ക് ട്രാക്കിലൂടെ പോകുമ്പോൾ അങ്കമാലി ഫയർ സ്റ്റേഷന് സമീപം ആലുവ ഭാഗത്ത് നിന്നും ട്രെയിൻ വരുന്നത് കണ്ട്‌ അടുത്ത ട്രാക്കിലേക്ക് നീങ്ങി നിൽക്കുമ്പോൾ ചാലക്കുടി ഭാഗത്ത് നിന്ന് വന്ന റെയിൽവേ റിപ്പയർ വാൻ ഇടിക്കുകയായിരുന്നു.
സംസ്ക്കാരം നാളെ പീച്ചാനിക്കാട് സെന്റ്‌ ജോർജ് താബോർ യാക്കോബായ സുറിയാനി പള്ളി സെമിത്തേരിയിൽ.
അങ്കമാലി മോര്‍ണിങ് സ്റ്റാര്‍ കോളേജില്‍ ബി.എസ്.സി. സുവോളജി അവസാന വര്‍ഷ വിദ്യാര്‍ത്ഥിനിയാണ്
കൂട്ടുകാർക്കൊപ്പം പാളം മുറിച്ചു കടക്കുമ്പോൾ വിദ്യാര്‍ത്ഥിനി ട്രെയിന്‍ തട്ടി മരിച്ചു
