ന്യൂഡൽഹി: ചൈനയിലെ ഏറ്റവും വലിയ സമ്പന്നൻ എന്ന പദവി ജാക്ക് മാ തിരിച്ചുപിടിക്കുമോ? 2410 കോടി യുഎസ് ഡോളറാണ് ആസ്തി. ആലിബാബ ഗ്രൂപ്പിൻെറ സ്ഥാപകനും എക്സിക്യൂട്ടീവ് ചെയർമാനുമായ ജാക്ക് മാ ഫോബ്സ് മാസികയുടെ കവർ പേജിൽ പ്രത്യക്ഷപ്പെടുന്ന ആദ്യത്തെ ചൈനീസ് സംരംഭകൻ ആണ് . 1964 ഒക്ടോബർ 15 ന് ആണ് ജനിച്ചത്. ആലിബാബയിലൂടെ ലോക പ്രശസ്തനായി. അതിശയിപ്പിക്കുന്ന ജീവിത വിജയം നേടിയ ഒരു സാധാരണക്കാരൻ ആയിരുന്നു മാ.
താഴ്ന്ന ഒരു മധ്യവർഗ കുടുംബത്തിത്തിലാണ് ജാക്ക് മാ ജനിച്ചത്.
ഒരു ജ്യേഷ്ഠനും അനുജത്തിക്കുമൊപ്പം വളർന്ന മാ തുടക്കം മുതൽ വ്യത്യസ്തനായിരുന്നു. ഇഗ്ലീഷ് പഠിക്കുന്നതിന് അദ്ദേഹം പ്രാമുഖ്യം നൽകി. ഒരു വിദേശിയെ കണ്ടുമുട്ടുകയും അടുത്തിടപഴകുകയും ചെയ്തത് വഴിത്തിരിവായി. അദ്ദേഹമാണ്”ജാക്ക്” എന്ന പേര് നിർദേശിച്ചത്. പ്രായപൂർത്തിയായപ്പോൾ ഹാങ്‌സോ നോർമൽ യൂണിവേഴ്സിറ്റിയിൽ ചേർന്നു. യൂണിവേഴ്സിറ്റി പ്രവേശന പരീക്ഷയിൽ വിജയിക്കാനുള്ള മൂന്ന് ശ്രമങ്ങൾ പരാജയപ്പെട്ടിട്ടും 1988-ൽ ഇംഗ്ലീഷിൽ ബിരുദം നേടി. വിദ്യാർത്ഥികളുടെ വോട്ടുകൾ നേടി പിന്നീട് കോളേജ് യൂണിയൽ ചെയർമാനായി
12 ഡോളർ പ്രതിമാസ ശമ്പളത്തിന് അദ്ദേഹം ഹാങ്‌ഷൂ ഡയാൻസി സർവകലാശാലയിൽ ഇംഗ്ലീഷ്, ഇന്റർനാഷണൽ ട്രേഡിൽ അധ്യാപകനായി ജോലിയിൽ പ്രവേശിച്ചു. ബീജിംഗ് ആസ്ഥാനമായുള്ള ചിയുങ് കോംഗ് ഗ്രാജ്വേറ്റ് സ്കൂൾ ഓഫ് ബിസിനസിൽ (സികെജിഎസ്ബി) തുടർ വിദ്യാഭ്യാസവും പൂർത്തിയാക്കി അധ്യാപകനായി ജോലി ചെയ്തിരുന്ന വ്യക്തിയാണ് ഈ ജാക്ക് മാ.
ചൈനയിൽ കയറ്റുമതി മേഖലയിൽ കുതിച്ചുചാട്ടം ഉണ്ടായപ്പോൾ ജാക്ക് ചെറിയ ഒരു ബിസിനസ് ആരംഭിച്ചിരുന്നു, അത് 1994-ൽ ആദ്യമായി യുഎസിലേക്ക് പോകാൻ ആദ്യമായി അവസരം ലഭിച്ചത് അങ്ങനെയാണ്. അവിടെയാണ് ആദ്യമായി ഇന്റർനെറ്റ് കാണുന്നത്.
ഇന്റർനെറ്റ് മായെ ഏറെ സ്വീധീനിച്ചു. മറ്റ് രാജ്യങ്ങളിൽ നിന്നുള്ള ഒരു ടൺ ഡാറ്റ അദ്ദേഹത്തിന് കണ്ടെത്താനായെങ്കിലും, ചൈനയുടെ ഡാറ്റകൾ ഒന്നും കാര്യമായി ലഭ്യമായിരുന്നില്ല.
ചൈനയെക്കുറിച്ചുള്ള വിവരങ്ങൾക്കായി അദ്ദേഹം തിരഞ്ഞുകൊണ്ടിരുന്നു, എന്നാൽ നിരാശയായിരുന്നു ഫലം. തൽഫലമായി ഒരു സുഹൃത്തുമായി ചേർന്ന് ഒരു വെബ്സൈറ്റ് സൃഷ്ടിക്കാൻ തീരുമാനിക്കുകയായിരുന്നു. ചൈനക്കാരിൽ നിന്ന് നിരവധി കത്തുകളും പ്രോത്സാഹനവും ലഭിച്ചതോടെയാണ് ഇൻറർനെറ്റിൻെറ സാധ്യതകളെക്കുറിച്ച് അദ്ദേഹം ബോധവാനായത്.
അങ്ങനെ, 1995 ഏപ്രിലിൽ ജാക്ക് 20,000 ഡോളർ സമാഹരിക്കുകയും ഭാര്യയും സുഹൃത്തും ചേർന്ന് ഒരു ഓൺലൈൻ ബിസിനസ് ആരംഭിച്ചു. “ചൈന യെല്ലോ പേജസ്” എന്നായിരുന്നു ബിസിനസിന്റെ പേര്. ബിസിനസുകൾക്കായി വെബ്‌സൈറ്റുകൾ നിർമ്മിക്കുന്നതിൽ സ്പെഷ്യലൈസ് ചെയ്യുന്നതായിരുന്നു സംരംഭം. ചൈനയിലെ ആദ്യത്തെ ഇന്റർനെറ്റ് കമ്പനിയാണിതെന്ന് പോലും പറയപ്പെടുന്നുണ്ട്.
സ്ഥാപനത്തിന്റെ ഇൻഫർമേഷൻ ടെക്‌നോളജി ഡയറക്ടറായി സേവനമനുഷ്ടിച്ച ശേഷം
1999-ൽ, അദ്ദേഹം മറ്റ് 18 പേരുമായി ചേർന്ന് ആലിബാബ.കോം സ്ഥാപിക്കുകയായിരുന്നു. ഓൺലൈൻ മാർക്കറ്റ് പ്ലേസ് ജാക് മായുടെ ജീവിതം തന്നെ മാറ്റി മറിച്ചു. ഒപ്പം കൂടിയവരുടെയും.
