കേരള ബ്ലാസ്റ്റേഴ്സ് എഫ് സി ( Kerala Blasters F C ) യുടെ മലയാളി താരം വിബിന്‍ മോഹനന് ( Vibin Mohanan ) അത്യപൂര്‍വ ഓഫര്‍. ഗ്രീക്ക് ഒന്നാം ഡിവിഷന്‍ ക്ലബ്ബായ ഒ എഫ് ഐ ക്രെറ്റെ എഫ് സി ( O F I Crete F C ) ആണ് വിബിന്‍ മോഹനന് വമ്പന്‍ ഓഫര്‍ വെച്ചത്. ഓഫര്‍ സ്വീകരിച്ച വിബിന്‍ മോഹനന് ഗ്രീസിലേക്ക് പറന്നു.
ഒ എഫ് ഐ ക്രെറ്റെ എഫ് സി യില്‍ ഒരു മാസത്തെ ട്രെയ്‌നിംഗിനായി വിബിന്‍ മോഹനന് ക്ഷണം ലഭിച്ചു.
മറ്റാര്‍ക്കും ലഭിക്കാത്ത അത്യപൂര്‍വ അവസരമാണ് 20 കാരനായ വിബിന്‍ മോഹനനു ലഭിച്ചത്. ജൂലൈ മാസം ഏകദേശം പൂര്‍ണമായി വിബിന്‍ മോഹനന് ഒ എഫ് ഐ ക്രെറ്റെ എഫ് സി യില്‍ പരിശീലനം നടത്തും. വിബിന്‍ മോഹനന്റെ ഫുട്‌ബോളിംഗ് കഴിവ് മനസിലാക്കി ആണ് ഗ്രീക്ക് ക്ലബ് ഒരു മാസത്തെ ട്രെയ്‌നിംഗിനായി ക്ഷണിച്ചത്. പ്രീ സീസണില്‍ ഒ എഫ് ഐ ക്രെറ്റെ എഫ് സി യുടെ എല്ലാ സൗകര്യങ്ങളോടും കൂടെ വിബിന്‍ മോഹനന് പരിശീലനം നടത്താം.
വിബിന്‍ മോഹനന്റെ ഗ്രീക്ക് യാത്രയ്ക്കു പൂര്‍ണ പിന്തുണയുമായി കേരള ബ്ലാസ്റ്റേഴ്സ് എഫ് സിയും ചേര്‍ന്നു. ജൂലൈ മൂന്ന് മുതല്‍ 14 വരെ ആണ് ഗ്രീസില്‍ വിബിന്‍ മോഹനന് ഉണ്ടാകുക. തുടര്‍ന്ന് ഒ എഫ് ഐ ക്രെറ്റെ എഫ് സിക്ക് ഒപ്പം നെതര്‍ലന്‍ഡ്‌സ് പര്യടനം നടത്തും. ഡച്ച് ഫസ്റ്റ് ഡിവിഷന്‍ ക്ലബ്ബുകളുമായി മൂന്ന് പരിശീലന മത്സരം കളിക്കും. എസ് സി ഹീരെവീന്‍, എഫ് സി എന്‍ എ സി ബ്രെഡ, എഫ് സി അട്രാക്ക് എന്നീ ടീമുകള്‍ക്ക് എതിരേ ആണ് പരിശീലന മത്സരം. ജൂലൈ 15 മുതല്‍ 30 വരെ ആണ് ഒ എഫ് ഐ ക്രെറ്റെ എഫ് സിക്ക് ഒപ്പം വിബിന്‍ മോഹനന് നെതര്‍ലന്‍ഡ്‌സില്‍ ചിലവഴിക്കുക.
ഈ നീക്കം വിബിന്‍ മോഹനില്‍ ഉള്ള ഞങ്ങളുടെ വിശ്വാസത്തിന്റെ സൂചനയാണ്. കേരള ബ്ലാസ്റ്റേഴ്സ് എഫ് സിയിലെ പ്രതിഭകളെ പ്രോത്സാഹിപ്പിക്കുകയും പരിപോഷിപ്പിക്കുകയും ചെയ്യുമെന്നതിന്റെ സൂചനയാണ്. വിബിന്‍ മോഹനന് പ്രോത്സാഹജനകമായ ആദ്യ സീസണ്‍ ഉണ്ടായിരുന്നു. വിബിന്‍ മോഹനനെ പോലെയുള്ള യുവ കളിക്കാര്‍ക്ക് അവരുടെ ഭാവിയെക്കുറിച്ചുള്ള വാഗ്ദാനങ്ങള്‍ നിറവേറ്റാന്‍ ഞങ്ങള്‍ പരമാവധി ശ്രമിക്കണം.
മറ്റുള്ളവര്‍ക്കും സമാനമായ അനുഭവം നേടാനുള്ള വാതിലുകള്‍ തുറക്കാന്‍ ഇതുപോലുള്ള കൂടുതല്‍ നീക്കങ്ങള്‍ നടത്താനാണ് ഞങ്ങളുടെ ശ്രമം. വിബിനെ ഒരു യൂറോപ്യന്‍ പശ്ചാത്തലത്തില്‍ കാണാന്‍ കഴിഞ്ഞതില്‍ എനിക്ക് അതിയായ സന്തോഷമുണ്ട് ‘ – കേരള ബ്ലാസ്റ്റേഴ്സ് എഫ് സി സ്‌പോര്‍ട്ടിംഗ് ഡയറക്ടര്‍ കരോളിസ് സ്‌കിന്‍കിസ് പറഞ്ഞു.
