കുവെെറ്റ്: ലഗേജിനുള്ളില്‍ അതിവിദഗ്ധമായി ഒളിപ്പിച്ചായിരുന്നു ഷാംപൂ ബോട്ടിലുകൾ ഉണ്ടായിരുന്നത്. കുവെെറ്റ് അന്താരാഷ്ട്ര വിമാനത്താവളത്തിലെ അഞ്ചാം ടെര്‍മിനലില്‍ വെച്ച് കസ്റ്റംസ് ഉദ്യോഗസ്ഥർക്ക് സംശയം തോന്നിയപ്പോൾ ആണ് വിശദമായി പരിശോധിക്കാൻ തീരുമാനിച്ചത്. ഒരു അറബ് രാജ്യത്ത് നിന്നുള്ള യുവാവ് ആണ് പിടിയിലായിരിക്കുന്നത് എന്ന് മാത്രമാണ് റിപ്പോർട്ട്. കസ്റ്റംസ് ഇന്‍സ്‍പെക്ടര്‍ക്ക് സംശയം തോന്നിയപ്പോൾ ആണ് ഇയാളുടെ ലഗേജ് വിശദമായി പരിശോധക്കാൻ തീരുമാനിച്ചത്.
ലഗേജില്‍ പല സാധനങ്ങള്‍ക്കൊപ്പം നിരവധി ഷാംപൂ ബോട്ടിലുകൾ. പുതിയത് എന്ന് തോന്നിക്കുന്ന രീതിയിൽ ആയിരുന്നു ഇവ. ഒരു പാട് ഷാംപൂ ബോട്ടിലുകൾ ഒരുമിച്ച് കണ്ടപ്പോൾ സംശയം തോന്നിയത്. ഇതാണ് പരിശോധനയിൽ എത്തിയത്. ബോട്ടിൽ തുറന്നപ്പോൾ ആണ് അകത്ത് മയക്കു മരുന്നായ ഹാഷിഷ് ആണ് നിറച്ചിരിക്കുന്നത് എന്ന് കണ്ടെത്തിയത്.
ഒരു തരത്തിലും സംശയം തോന്നാത്ത തരത്തിൽ ആണ് ഹാഷിഷ് ഷാംപൂ ബോട്ടിലുകളിൽ നിറച്ചിരിക്കുന്നത്. പുതിയതെന്ന് തോന്നിപ്പിക്കുന്ന തരത്തിൽ തന്നെയാണ് പാക്കിങ്. ഒരു തരത്തിലും കണ്ടാൽ മനസ്സിലാകാത്ത നിലയിൽ ആണ് ഇത് ഒരുക്കിയിരിക്കുന്നത്. കസ്റ്റംസ് ഓഫീസറുടെ ജാഗ്രതയില്‍ ആണ് ഇത് കണ്ടെത്താൻ സാധിച്ചതെന്നും പരിശോധനകൾ ശക്തമാക്കാൻ ആണ് തീരുമാനിച്ചിരിക്കുന്നതെന്നും അധികൃതർ അറിയിച്ചു. വരും ദിവസങ്ങൾ പരിശോധന ശക്തമാക്കാൻ ആണ് തീരുമാനിച്ചിരിക്കുന്നതെന്ന് കസ്റ്റംസ് പുറത്തിറക്കിയ പ്രസ്താവനയില്‍ പറയുന്നു.
യുവാവിന്റെ പേരുവിവരങ്ങൾ പുറത്തുവിട്ടിട്ടില്ല. തുടര്‍ നടപടികള്‍ സ്വീകരിച്ച ശേഷം ഇയാളെ ബന്ധപ്പെട്ടവർക്ക് കെെമാറി. വരും ദിവസങ്ങളിൽ പരിശോധന ശക്തമാക്കാൻ ആണ് തീരുമാനം.
