Headlines

കേരള ബ്ലാസ്റ്റേഴ്‌സിലെ പുതിയ പത്താം നമ്പര്‍ താരം പരിശീലനത്തിൽ; ആവേശത്തില്‍ ആരാധകര്‍!

2023 – 2024 സീസണിനു മുന്നോടിയായി ഇന്ത്യന്‍ സൂപ്പര്‍ ലീഗ് ( Indian Super League ) ക്ലബ്ബായ കേരള ബ്ലാസ്‌റ്റേഴ്‌സ് എഫ്സി ( Kerala Blasters F C ) പരിശീലനം ആരംഭിച്ചു. കൊച്ചിയില്‍ ജൂലൈ 12 മുതലാണ് കേരള ബ്ലാസ്റ്റേഴ്‌സ് ക്യാമ്പ് തുടങ്ങിയത്. കേരള ബ്ലാസ്റ്റേഴ്‌സ് സൂപ്പര്‍ താരങ്ങളായ അഡ്രിയാന്‍ ലൂണ, ദിമിത്രിയോസ് ഡയമാന്റകോസ്, ജീക്‌സണ്‍ സിംഗ്, 2023 – 2024 സീസണിനു മുന്നോടിയായി ക്ലബ്ബിലെത്തിയ ജോഷ്വ സൊറ്റിരിയൊ, ബംഗളൂരു എഫ്സിയില്‍ നിന്നെത്തിയ പ്രാബിര്‍ ദാസ്

തുടങ്ങിയവരെല്ലാം ക്യാമ്പില്‍ സജീവമായുണ്ട്.
മുന്‍ സീസണുകളെ അപേക്ഷിച്ച് പുതിയ ജഴ്‌സി നമ്പറുകള്‍ 2023 – 2024 സീസണിലുണ്ട് എന്നതും ശ്രദ്ധേയം. കേരള ബ്ലാസ്റ്റേഴ്‌സ് പുതിയ ഏഴാം നമ്പര്‍ താരത്തെയും 10 -ാം നമ്പര്‍ താരത്തെയും പ്രഖ്യാപിച്ചു. ക്ലബ് ഔദ്യോഗികമായി ജഴ്‌സി നമ്പര്‍ പ്രഖ്യാപിച്ചില്ലെങ്കിലും ക്യാമ്പില്‍ ഇവര്‍ അണിയുന്ന ജഴ്‌സിയില്‍ നിന്നാണ് നമ്പര്‍ മാറ്റം ആരാധകര്‍ ഏറ്റെടുത്തത്.

ഉറുഗ്വെന്‍ പ്ലേ മേക്കറായ അഡ്രിയാന്‍ ലൂണ ( Adrian Luna ) യാണ് 2023 – 2024 സീസണില്‍ കേരള ബ്ലാസ്റ്റേഴ്‌സ് എഫ്സിയുടെ പുതിയ 10 -ാം നമ്പര്‍ ജഴ്‌സിക്കാരന്‍. കേരള ബ്ലാസ്റ്റേഴ്‌സിൻെറ ഏറ്റവും ഭാവനാ സമ്പന്നനായ കളിക്കാരനാണ് അഡ്രിയാന്‍ ലൂണ. 20 -ാം നമ്പര്‍ ജഴ്‌സിയായിരുന്നു മുന്‍ സീസണുകളില്‍ അഡ്രിയാന്‍ ലൂണ അണിഞ്ഞിരുന്നത്.

മലയാളി താരം കെ പി രാഹുല്‍ ( K P Rahul ) ആണ് കേരള ബ്ലാസ്‌റ്റേഴ്‌സ് എഫ് സി യുടെ പുതിയ 7 -ാം നമ്പര്‍ താരം. കഴിഞ്ഞ സീസണുകളില്‍ 17 -ാം നമ്പര്‍ ജഴ്‌സിയായിരുന്നു കെ പി രാഹുല്‍ അണിഞ്ഞത്. 2022 – 2023 സീസണ്‍ ജനുവരി ട്രാന്‍സ്ഫര്‍ ജാലകത്തിലൂടെ മോഹന്‍ ബഗാന്‍ സൂപ്പര്‍ ജയ്ന്റിസിലേക്ക് ചേക്കേറിയ പ്യൂട്ടിയ ആയിരുന്നു കേരള ബ്ലാസ്റ്റേഴ്‌സ് എഫ് സി യുടെ 7 -ാം നമ്പര്‍ ജഴ്‌സി അണിഞ്ഞിരുന്നത്.

കേരള ബ്ലാസ്റ്റേഴ്‌സ് എഫ് സി യുടെ 77 -ാം നമ്പര്‍ ജഴ്‌സി നിഹാല്‍ സുധീഷ് അണിയും. കഴിഞ്ഞ സീസണിലാണ് നിഹാല്‍ സുധീഷ് കേരള ബ്ലാസ്റ്റേഴ്‌സ് എഫ് സി യില്‍ അരങ്ങേറിയത്. 28 -ാം നമ്പര്‍ ജഴ്‌സിയായിരുന്നു 2022 – 2023 സീസണില്‍ നിഹാല്‍ സുധീഷ് അണിഞ്ഞത്. ഇത്തവണ 77 – ാം നമ്പര്‍ അണിയും. കഴിഞ്ഞ സീസണില്‍ യുക്രെയ്ന്‍ സെന്‍ട്രല്‍ മിഡ്ഫീല്‍ഡറായ ഇവാന്‍ കലിയൂഷ്‌നിയായിരുന്നു കേരള ബ്ലാസ്റ്റേഴ്‌സ് എഫ് സി യുടെ 77 -ാം നമ്പര്‍ ജഴ്‌സി താരം

2023 – 2024 സീസണില്‍ കേരള ബ്ലാസ്റ്റേഴ്‌സ് എഫ് സി യുടെ ആദ്യ പോരാട്ടം ഡ്യൂറന്റ് കപ്പ് ചാമ്പ്യന്‍ഷിപ്പാണ്. ബംഗളൂരു എഫ് സി, ഗോകുലം കേരള എഫ് സി, ഇന്ത്യന്‍ എയര്‍ ഫോഴ്‌സ് എന്നീ ടീമുകള്‍ക്കൊപ്പം ഗ്രൂപ്പ് സി യിലാണ് കേരള ബ്ലാസ്റ്റേഴ്‌സ് എഫ് സി

Leave a Reply

Your email address will not be published. Required fields are marked *