സുൽത്താൻബത്തേരി: വയനാട് ജില്ലയിലെ വിദ്യാഭ്യാസ സ്ഥാപനങ്ങൾക്ക് ഇന്നും അവധി. ജില്ലയിൽ കഴിഞ്ഞദിവസങ്ങളിൽ അതിശക്തമായ മഴ പെയ്ത സാഹചര്യത്തിലും പലയിടത്തും വെള്ളക്കെട്ട് രൂപപ്പെട്ട സാഹചര്യത്തിലുമാണ് ജില്ലാ കളക്ടർ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചത്. കഴിഞ്ഞദിവസങ്ങളിലെല്ലാം ജില്ലയിലെ സ്കൂളുകൾക്ക് അവധി തന്നെയായിരുന്നു.
വയനാട്ടിലെ പ്രൊഫഷണൽ കോളേജുകൾ, ട്യൂഷൻ സെൻററുകൾ, അങ്കണവാടികൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ഇന്നത്തെ അവധി ബാധകമാണ്. അതേസമയം മോഡൽ റസിഡൻഷ്യൽ, നവോദയ സ്കൂളുകൾക്ക് അവധിയില്ല. മുൻകൂട്ടി നിശ്ചയിച്ച പരീക്ഷകൾക്കും പിഎസ്സി പരീക്ഷകൾക്കും അവധി ബാധകമായിരിക്കില്ല.
കഴിഞ്ഞദിവസങ്ങളിൽ വയനാട് ജില്ലയിൽ റെഡ്, ഓറഞ്ച് അലേർട്ടായിരുന്നെങ്കിലും ഇന്ന് യെല്ലോ അലേർട്ടാണ് പ്രഖ്യാപിച്ചിരിക്കുന്നത്. ജില്ലയ്ക്ക് പുറമെ കോഴിക്കോട്, , കണ്ണൂർ, കാസർകോട് ജില്ലകളിലാണ് ഇന്ന് യെല്ലോ അലേർട്ടുള്ളത്. മറ്റുജില്ലകളിലൊന്നും അലേർട്ട് നൽകിയിട്ടില്ല. കഴിഞ്ഞദിവസങ്ങളിൽ സംസ്ഥാനത്ത് പെയ്ത കനത്ത മഴയിൽ വൻ നാശനഷ്ടങ്ങൾ റിപ്പോർട്ട് ചെയ്തിരുന്നു.
